Pamjet e ralla bardh e zi të Marubëve të ardhura ndër vite, u ndërthurën në mënyrë të veçantë me Shqipërinë e sotme plot ngjyra, të sjella përmes objektivit të të rinjve në “Colours of Albania”.
Fushata mbarëkombëtare dhe konkursi fotografik në mediat sociale për promovimin e Shqipërisë, këtë vit në edicionin e tij të tretë u zhvendos nga Tirana në Shkodër, për të shënuar një cikël të ri që do të jetë ai i rrugëtimit në të gjithë vendin.
Pejsazhet e paprekura me bukuritë natyrore të alpeve, bregdetit, zonave historike, me qytetet dhe fshatrat prezantojnë një Shqipëri tjetër në sytë e botës .
Ambasadori Norvegjez e quajti këtë ekspozitë, si shansin që rinia ti japë formën e duhur imazhit të Shqipërisë në Evropë. Ai vlerësoi rrugën përparuese që ka bërë vendi, por kujtoi se ka ende shumë punë përpara.
Norvegjia ka kohë që mbështet projektin Shqipëria e Kosova digjitale. Jemi të lumtur që kemi ndihmuar financiarisht, menaxhimi është bërë nga këshilli Britanik. E shohim këtë ndihmesë që dy vendet të kontribuojnë në botë. Edhe për të shfrytëzuar internetin dhe medien sociale që të promovohet tradita dhe vendi juaj.
Këto nuk vijnë vetëm nga vendimmarrjet por janë përcaktuar nga imazhet e të rinjve. Shpesh i kushtohet vëmendje kreativitetit, besueshmërisë dhe veçantive të kulturës e natyrës.
Festimet fokusohen tek të rinjtë dhe nënvizon që rinia ti japë formë të ardhmes, te nesërmes. Prandaj këto vlera duhen përçuar edhe ne Shqipëri.
Fotot fituese do të jenë pjesë e një bookleti që do të shpërndahet në të gjitha përfaqësitë shqiptare nëpër botë dhe do të përdoret si dhuratë simbol i Ministrisë së Jashtme. Nisma vjen me mbështetjen e British Council dhe ambasadës Norvegjeze.
