Një nga anëtarët me aktiv të Kryesisës së Partisë Demokratike, Kreshnik Çollaku, ka deklaruar se ministrat teknikë duhet të tërhiqen.
Sipas Çollaku, për aq kohë sa kjo marrëveshje rezultoi me defekte dhe nuk favorizoi PD-në, ata duhet të largohen.
“Nga pikëpamja kushtetuese ata kanë mandatin deri në krijimin e qeverisë së re. Kjo është normale, por nga pikëpamja politike, ky është gjykimi im personal, me këtë situatë që ndodhi zotërinjtë ministra duhet të tërhiqen dhe të mos jenë më pjesë e një dhe mirë do të ishte të tërhiqen. Por nga ana juridike ata janë në rregull dhe presin mandatimin e qeverisë së re”, tha Çollaku.
Gjithashtu, demokrati e ka quajtur shthurje debatin e ndezur brenda PD-së pasi është një situatë e papërgjegjshme.
“Është një shthurje nga ana e të gjitha palëve. Ka pasur një peticion, ka kundërpërgjigje, është bërë si një kor militantësh. Është një situatë e papërgjegjshme, pavarësisht se kush është fituesi, sepse këto nuk janë beteja, por janë shthurje,”tha ai nga studio e Report Tv .
