Gazetari Basir Çollaku që publikoi i pari skandalin e Fushës Krujës me djalin e deputetit socialist, Rexhep Raja, tha në studion e “360 Gradë” në Ora News, se të gjitha faktet që jepen me Xhisiela Malokun, janë zyrtare pavarësisht deklaratave të saj.
Sot ne jemi njohur me shumë veprime dhe ajo që më befason, habitem përtej imagjinatës kur shoh që prokurori dhe të tjerë i mbajnë dëshmitë 2 muaj dhe nuk reagojnë dhe reagojnë vetëm kur thotë kryeministri bëni namin atij horrit, që për vite ka luftuar bandat kriminale me firmë të kryeministrit dhe me leje të tij.
Dy herë që ne kemi kontaktuar me të, ajo nuk ka pranuar të reagojë. Të shohim sot të përmbysen gjëra të zyrtarizuara të sheqerosen, janë thjesht me regji të kryeministrit.
Deri në fund të intervistës do të dalë që e kam djegur unë Rexhepin. Kanë dashur edhe ta vrasin edhe pas publikimit të kësaj ngjarje. Janë dokumente zyrtare nuk i kemi shkruar ne. Si ka mundësi që ky njeri nga dhjetori i vitit 2007, shkoi në Krujë dhe nuk ia kanë marrë kallëzimin. Si ka mundësi që një njeri i lumtur kalon kaq muaj nëpër komisariate. Këtë ekspertin kush e ka kërcënuar që të bëjë këtë raport të rremë. Pse prokurorja nuk e ka bërë detyrën kur e ka parë këtë raport. Jemi në kushtet e flagrancës dhe mund të ishte marrë një vendim. Është një dosje me një sërë veprimesh, deklaroi Çollaku.
