Me kanaçen e saj të kuqe dhe recetën e fshehtë, ajo njihet si një nga pijet më të njohura dhe më të preferuara të botës për më shumë se një shekull. Megjithatë, duket se Coca-Cola tashmë po hyn në një kapitull të ri, teksa po planifikon të sjellë pijen e saj të parë alkoolike.
Kompania aktualisht po eksperimenton me krijimin e një lloji të njohur të alkoolit japonez të njohur si Chu-Hi, që përmbajnë alkool shochu të distiluar të përzier me ujë të karbonizuar me aromë. Pijet e konservuara me alkool të ulët do të lansohen në Japoni.
Teksa konfirmoi planin në një intervistë në faqen e internetit të kompanisë, Jorge Garduño, presidenti i Coca-Colas në Japoni, tha: “Kjo është një pije e konservuar që përfshin alkoolin; Tradicionalisht, ajo është bërë me një pije të distiluar e quajtur shochu dhe ujë të gazuar, plus disa aromatizues. Ne nuk kemi eksperimentuar në kategorinë e ulët të alkoolit më parë, por ky është një shembull se si vazhdojmë të shqyrtojmë mundësitë jashtë fushave tona thelbësore”.
Duke theksuar se sa “unike” ishte për kompaninë kjo iniciativë, Garduño nuk përcaktoi një afat kohor për produktin e ri, ndërsa shtoi: “Coca-Cola gjithmonë është fokusuar tërësisht në pije joalkoolike dhe ky është një eksperiment modest për një pjesë specifike të tregut tonë. Koncepti i pijeve alkoolike Coca-Cola, megjithatë, ka të ngjarë të qëndrojë brenda Japonisë dhe jo të zgjerohet në nivel global, për shkak të cilësive “unike dhe të veçanta” të tregut japonez”, shtoi ai.
E nëse kanë një sukses të madh, pse jo, këto pijë mbase shpërndahen në të gjithë votën, njësoj siç ndodh sot me Coca-Colën. TIRANA TODAY
