CIA amerikane, shërbimi i inteligjencës më i sofistikuar në botë, ka qenë e njohur për fiksimin e saj pas projekteve tejet të kushtueshme. Shumëkujt mund t’i duket sot e habitshme, që një mace e zakonshme mund të jetë një agjente spiunazhi. Por në vitin 1960, në kulmin e Luftës së Ftohtë, CIA shpenzoi plot 20 milionë dollarë për projektin sekret “Acoustic Kitty” (Macja Akustike), që synonte t’i përdorte macet si pajisje regjistrimi.
Projekti me anë të ndërhyrjeve kirurgjikale u vuri maceve mikrofonë, antena dhe bateri në bishtin e tyre. Më pas ato do të lëshoheshin në afërsi të ambasadës së Bashkimit Sovjetik në Uashington.
Ideja ishte të paktën njëra nga macet të arrinte të shkonte deri tek grupi i funksionarëve komunistë, dhe të regjistronte bisedat e tyre. Plani u vu në veprim pas disa muajsh. Por macja e parë e dërguar në operacion, u shtyp nga një taksi përpara se të arrinte në destinacion, dhe kështu operacionin “Macja Akustike” u braktis.
