Ministri serb i Drejtësisë Kuburoviç ka vizituar Ratko Mlladiç në njësinë e paraburgimit në Hagë. Kuburoviç ishte në këtë qytet për ceremoninë e mbylljes së Tribunalit të Hagës (ICTY), shkruan b92.
Ajo tha për RTS të enjten se Mlladiç ishte vizituar nga mjekë Serbë dy ditë më parë dhe se bazuar në raportin e tyre, një letër do t’i dërgohej Mekanizmit për Tribunalit Penale Ndërkombëtare (MIKT) – i cili vazhdon të kryejë disa nga funksionet e ICTY – për të dhënë lirimin e përkohshëm të Mlladiç dhe për ta lejuar atë të marrë trajtim mjekësor në Serbi.
Në fillim të tetorit, qeveria serbe dha garanci për lirimin e përkohshëm të Mlladiç për trajtim mjekësor, duke vepruar sipas kërkesës së familjes së Mlladiç dhe avokatëve mbrojtës. Megjithatë, ICTY nuk e miratoi kërkesën, shkruan Tirana Today.
Më 22 nëntor, Mlladiç u shpall fajtor në vendimin e shkallës së parë dhe u dënua me burgim të përjetshëm për krime të kryera në Bosnjë dhe Hercegovinë dhe po pret procedurën e shkallës së dytë përpara MICT, për ankesën e paraqitur nga mbrojtja e tij.
Mlladiç, kreu ushtarak i kohës së luftës i serbëve në Bosnje, ka qenë në njësinë e paraburgimit të ICTY që nga maji 2012, kur u arrestua pasi kaloi rreth 12 vjet i fshehur.
Familja dhe avokatët e tij vazhdimisht bëjnë thirrje për t’iu dhënë trajtim mjekësor sepse thonë se ai nuk po merr kujdes të duhur në njësinë e paraburgimit në Hagë. TIRANA TODAY
