Çmenduria e Realit, 150 milionë euro për zbulimin e Igli Tares

Real Madrid është i vendosur që e ardhmja e mesfushës është lojtari i Lazios, Sergej Milinkoviç-Saviç. Shpërthimi që ka pasur këtë sezon që u mbyll në Serie A i ka bindur drejtuesit madrilenë që të plotësojnë çdo kusht për të siguruar shërbimet e serbit. Florentino Perez duket se është i gatshëm që të derdhë në arkat e lacialëve plot 150 milionë euro plus bonuse.Milinkoviç do të përfitojë një rrogë mjaft të lartë tek Reali, plot 8 milionë euro plus bonuset. Tani gjithçka mbetet në dorë të presidentit të italianëve, Lotito, i cili përballë një shifre të tillë nuk mund të qëndrojë indiferent. Gjithsesi gjatë javëve në vijim priten kontaktet të tjera për të përfunduar marrëveshjen. Ata e dinë që nuk është e lehtë të negociosh me Lotiton, por duke parë që serbi është duke dhuruar performanca të mira edhe në Botëror me kombëtaren e tij, mendohet si e ardhmja ideale e mesfushës.