Në pjesën e parë të meçit Alvarez ishte fantastik dhe bombardoi me grushte kundërshtarin duke fituar shumë pikë. Mirëpo, në pjesën e dytë të meçit, Jacobsi mori iniciativën, duke treguar forcën dhe duke dominuar ndaj kundërshtarit.
Por, përpjekjet e Jacobs nuk dhanë rezultatin e pritur, pasi juria vendosi për rezultatin 115-113, 115-113 në favor të Alvarez.
Ndoshta pika më e fortë e Alvarezit në këtë meç ishin lëvizjet e shpejta, duke iu shmangur grushteve të kundërshtarit në mënyrë të jashtëzakonshme.
Momenti kur u nënvizua shpejtësia brilante e Alvarez ishte në rundin e katërt, kur dy boksierët po luftonin kokë më kokë në qendër të ringut.
🥊 @Canelo going full Matrix against Daniel Jacobs by dodging 10 punches in five seconds. Untouchable 🔥https://t.co/uFDLrKa23I
— GiveMeSport Boxing (@GMSBoxing) May 5, 2019
Jacobs tentoi jo më pak se 10 grushte brenda pesë sekondave, në kokë dhe trup, por Alvarez befasisht arriti t’i shmanget të gjithave.