Një sipërmarrës shqiptar ka rënë në pranga të policisë italianë. Ai është 32-vjeçari Arben Çepele, i cili akuzohet për “tentim vrasje me paramendim”.
Mbrëmjen e kaluar në orën 22.30, policia arrestoi shqiptarin me banim në Montale, raporton iltirreno.gelocal.it.
32 vjeçari akuzohet për ngjarjen e ndodhur në “qendrën e shërbimeve këshilluese”, në Macrolotto 1.
Policia shpjegoi se “një grindje ka degjeneruar në përplasje fizike”.
Sipas autoriteteve, 32 vjeçar ka “qëlluar me thikë në gjoks partnerin e tij në biznes, një sipërmarrës kinez, duke i shkaktuar plagë të rëndë dhe prerjen e një arterie. Kinezi për pasojë ka humbur shumë gjak”.
Kinezi është dërguar menjëherë në spitalin civil në Prato, ku thuhet se është jashtë rrezikut për jetën.
Gjatë momentit të ndalimit shqiptari i kishte rrobat e tij me njolla gjaku. Ai kishte vendosur dorëza në duar. Thikën me të cilën kishte qëlluar kinezin ai e kishte hedhur në lumin Bisenzio tek ura Datini.
Policia ka njoftuar se “shqiptari, së bashku me dy partnerë të tjerë, ishin të interesuar për riciklimin dhe rigjenerimin e mbeturinave. Ai kishte pasur debat me kinezin dhe dyshohet se ishin përplasur për blerjen e një makinë e cila do përpunonte mbetjet”.
Arbeni nuk kishte qenë vetëm në momentin e sherrit. Bashkë me të kishte qenë edhe një italian. Ata sulmuar 25-vjeçarin kinez, i cili ishte këshilltar për sipërmarrësin. Tani italiani i cili bashkëpunoi me shqiptarin është shpallur në kërkim./TIRANA TODAY/
