Ka shumë aktorë që kanë premtuar se do të dhurojnë pasurinë e tyre, por jo gjithmonë e mbajnë fjalën. Chow Yun-fat, i cili gëzon një pasuri marramendëse, ka vendosur që ta dhurojë për bamirësi. Ndonëse pasuria e tij arrin në vlerën e 619 milionë eurove, aktori bën një jetë pa shpenzime luksi. Ndryshe nga sa jemi mësuar, ky aktor bën një rast përjashtimor.
“Paratë nuk janë të miat”, ka thënë ai në një intervistë. Ai ka shtuar se ëndrra e tij është “të jetë i lumtur, dhe njeri normal”. Pavarësisht pasurisë, Chow ka një reputacion në zonën aziatike se bën një jetë modeste, jo luksoze.
Aktori lëviz me transport publik, nuk shkon në restorante të shtrenjta, dhe vesh rroba të vjetra. Edhe pse nuk kanë fëmijë, gruaja e tij, Jasmine Tan ka përdorur për 17 vjet të njëjtin telefon, derisa nuk funksiononte më.
