Konstitucionalisti Çlirim Gjata ka komentuar mbi situatën për përzgjedhjen e kandidatëve për anëtarë të organeve të reja drejtuese të drejtësisë KLGJ dhe KLP, sistemin kushtetues apo funksionimin e sistemit të Vettingut për të cilin z.Gjata shprehet skeptik. Zoti gjata është shprehur se “problemi nuk qëndron dhe aq te përgjigjet e tyre, por te sistemi kushtetues dhe ligjor që është ngritur për organizimin dhe funksionimin në total të organeve të drejtësisë. Për mendimin tim sistemi ri është i tillë që nuk jep garanci, së pari për një drejtësi të pavarur dhe të paanshme nga politika dhe korrupsioni. Në vitin 1998 me kushtetutën që kemi edhe sot(të ndryshuar) u ngrit sistemi i drejtësisë që degjeneroi në varësi nga politika dhe krimi, si dhe në nivele të larta korrupsioni. E pra, për vetëm 18 vjet dështoi ky sistem. është e njëjta politikë dhe madje gati-gati 100% e po atyre njerëzve që bënë atë kushtetutë, hartuan edhe sistemin e ri të drejtësisë. A kemi garanci këtu se do të funksionojë?? Koha provon gjithçka.
Gjithashtu, konstitucionalisti shprehet skeptik për zgjidhjen duke u shprehur se “ritet që të zgjidhet me funksionimin e VETTINGUT dhe fillimin e punës së organeve të reja të drejtësisë. Problemi qëndron se, sa e interesuar është politika nga këto organe dalin, për një drejtësi të pavarur, duke e ditur se, sa e korruptuar dhe shpërdoruese është politika dhe administrata shqiptare?! Askush nuk i përgjigjet pyetjes: A mundet kjo klasë politike të ndërtojë një drejtësi të pavarur që të fusë në burg këtë klasë politike(vehten e vet); pra të presë me sopatë degën e pemës ku është ulur vetë, shkruan news365.al.
Ndërsa pyetjes se në cilën fazë është procesi i vettingut zoti Gjata i është përgjigjur duke pohuar se “procesi i kontrollit dhe rivlerësimit do të fillojë në tetor, ndërkohë që po ngrihet infrastruktura. Pritet edhe një vendim i Gjykatës Kushtetuese mbi ligjin e Vettingut, por nuk e dimë nëse kjo gjykatë e ka korumin për ta shqyrtuar këtë ligj (një problem tjetër ky). Por kjo nuk e pengon zbatimin e ligjit të Vettingut pasi nuk ka pezullim nga Gjykata Kushtetuese. Mbetet të shohim se sa do të funksionojë sistemi i Vettingut i hartuar me aq zhurmë, për të cilin mbetem edhe unë skeptik.
