Presidenti i Republikës së Shqipërisë, Ilir Meta kundërshtoi më në fund dobësinë e tij. Meta ka folur për përplasjet e dhunshme të opozitës në Kuvend të premten e kaluar, duke i quajtur ato të papranueshme.
I pyetur nga drejtuesi i emisionit Blendi Fevziu për goditjen ndaj kryeministrit Rama me çizme nga Kryemadhi, Meta deklaroi se nuk do të mbajë të njëjtin qëndrim si doktori që tha se është ‘biblike’.
Në fakt Meta më 21 qershor të viti 2014 ka deklaruar se Berisha është dobësia ime. Deklarata e Metës u bë kur përjashtoi me 10 ditë ish-kryeministrin, Sali Berisha nga Parlamenti. Vit në të cilin Meta ishte kryetar Kuvendi. Në atë kohë Meta theksoi se e ka pikë të dobët ish-kryetarin e Partisë Demokratike, Sali Berisha, duke shtuar se e ka të vështirë ta humbasë këtë dobësi.
Pra sot vlen të theksohet se Meta kundërshton dobësinë e tij Berishën, sesa kryetaren e LSI-së, Kryemadhi. Akte të dhunshme ka shfaqur dhe Meta kur u drejtua drejt Jozefina Toplallit, kur ajo mbante postin e kryetares së Kuvendit.
“Çdo devijim nga shinat kushtetuese dhe veneciane do të prodhojë politizim, personalizim, banalizim dhe thjeshtë do t’i shërbejë acarimit të luftës politike. Unë ,edhe para kësaj çështjeje kam bërë thirrje për dialog dhe për t’i dhënë një zgjidhje bazuar mbi standarde transparente dhe në respekt të Kushtetutës çështjes së kryeprokurorit,” -tha presidenti Meta.
