Surpriza, emocione dhe shumë gola kanë dhuruar sfidat e treta të fazës së grupeve në Champions League. Janë shënuar plot 31 gola në të gjitha sfidat,
Liverpool lëshon tërmet shtatë ballë në Slloveni, duke u shfryrë tek Maribor për të gjitha javët negative si në kampionat edhe në Champions pasi vinte nga dy barazime. Katër gola janë shënuar në pjesën e parë dhe tre në të dytën. Firminho dhe Salah kanë shënuar nga një dopietë, për tu plotësuar nga golat e Coutinho, Chamberlain dhe Arnold. Me këtë fitore Liverpool ka marrë vendin e parë në grupin E. Pasi Sevillia që ishte kokë grupi ka rënë në Moskë përballë Spartak me një rezultat të thellë 5-1. Spartak po ashtu qëndron me pikë të barabarta në vendin e parë me Liverpool, ndërsa Sevilian mbanë vendin e tretë me katër pikë.
Supersfida Real Madrid-Tottenham është mbyllur me rezultatin e pjesës së parë 1-1, me autogolin e Varane dhe 11-metërshin e ekzekutuar nga Ronaldo. Pjesa e dytë ishte një spektakël me shumë raste por që nuk u arritën të finalizohen në gola. Anglezët shpërdorojnë disa raste të pastra me Kane dhe Llorente, por heroi I mbrëmjes ishte Lloris për ta pasi neutralizoi disa topa të pamundur për tu pritur të Benzema dhe Ronaldo. Sfida ndahet me nga një pikë për të dyja ekipet dhe vazhdojnë të mbajnë vendin e parë me pikë të barabarta. Dortmund që bën pjesë në grupin H,në sfidën e Qipros përballë APOEL, nuk ka arritur të marrë më shumë se një pikë. Gjermanët duhet të përfitonin nga sfida e dy ekipeve kryesuese për tu afruar me pikë por që nuk arrin ta bëjë detyrën si duhet.
Grupi F kryesohet nga Manchester City, që mposhti Napolin në “Etihad Stadium” me rezultatin 2-1. Golat për qytetarët u shënuan që në fillimin e ndeshjes me Sterling dhe Gabriel Jesus. Napoli humb një penallti në pjesën e parë me Mertens , por në pjesën e dytë sërish nga 11-metërshi shkurton diferencën në 2-1, që do të jetë rezultati përfundimtar i takimit. City i Guardiolas mbanë vendin e parë me pikë të plota, ndërse Napoli është postuar në vendin e tretë, pasi ndeshja tjetër e grupit Feyenoord-Shaktar Donetsk, u fitua nga këta të fundit me rezultatin 1-2 dhe marrin vendin e dytë me 6 pikë. Feyenoord ndërkohë nuk ka arritur të marrë asnjë pikë në tre ndeshjet e para.
Në grupin G, Besiktas konfirmohet koka e grupit pasi arrinë të mposhtë Monacon në Francë me rezultatin 1-2. Kanq qënë vendasit që kalojnë në avantazh me Falcaon, por dy golat e Tosun e bënë të pavlefshëm golin e tij. Monaco është e vendosur në vendin e fundit me një pikë. Ndërsa sfida tjetër e këtij grupi Leipzig-Porto është fituar nga gjermanët me rezultatin 3-2, me gola të shënuar që në pjesën e parë. Është fitorja e parë për gjermanët që u jep momentalisht vendin e dytë me 4 pikë, duke lënë pas Porton me tre pikë.
