Cikloni ‘Ianos’, ka shkaktuar viktimën e dytë, teksa mediat greke shkruajnë se fermeri i cili kishte humbur, u gjet i pajetë dhe ishte një 63-vjeçar shqiptar.
Viktima u gjet nga ekuipazhet e Brigadës së Zjarrit dhe djali i tij i cili i ishte bashkuar kërkimeve që prej ditës së djeshme.
Ndërkohë, një grua tjetër është ende e zhdukur në Njësinë Rajonale të Karditsa.
Ajo është një grua 40-vjeçare në Mouzaki e cila u rrëmbye nga ujërat e vrullshme të lumit Pamisos, kur u përpoq të kalonte rrugën e përmbytur me makinën e saj.
Në disa zona të Greqisë, ka ndërprerje të gjera të energjisë elektrike, ndërsa zona të tjera të kërcënohen nga përmbytjet masive.
Cikloni ‘Ianos’ është përshkruar si uragan mesdhetar.
