Sokol Cikalleshi është rikthyer të jetë protagonist në kampionatin turk, pasi ka shënuar një gol mjaft të bukur dhe me shumë peshë për ekipi e tij Osmanlispor. Këta të fundit morën një barazim 3-3 mjaft të rëndësishëm përballë Trabzonsporit, pasi ndodhet në një pozitë aspak komode.
Në sfidën e javës së 29, Cikalleshi shënoi golin e dytë për skuadrën e tij dhe rihapi takimin duke e çuar rezultatin në 2-3, ndërsa takimi i barazua nga Cagiran në minutën e 83-të. Sulmuesi shqiptar luajti gjatë gjithë 90-minutëshit, ndërsa rrugën e rrjetës e gjeti në minutën e 73-të, kur mori një top të bukur pranë pikës së penalltisë dhe pasi shmangu ndërhyrjen e një mbrojtësi kundërshtar, kaloi topin poshtë këmbëve të portierit.
Ky barazim ishte me mjaft vlera për Osmanlispor, që po lufton për t’i shpëtuar rënies nga Superliga turke, ndonëse ndodhet në pozita aspak komode.
