Një çift në Itali ka përjetuar një mrekulli, teksa gruaja është bërë nënë për herë të dytë në moshën 55-vjeçare.
Ky lajm i mrekullueshëm erdhi për çiftin pas tragjedisë që ata përjetuan pas vdekjes së djalit të tyre të vetëm në moshën 16-vjeçare.
I riu, Maurizio Zanzani ndërroi jetë në korrik të vitit të kaluar për shkak të një sëmundjeje në zemër.
Pas më shumë se një viti, çifti gëzohet me një tjetër fëmijë, të cilën e quajnë një mrekulli të djalit të tyre të ndjerë, të cilin e thërrisnin Zak.
“Bashkëshorti më tha përpara arkivolit të tim biri se donte një tjetër fëmijë. Në ato momente mendova se ishte çmendur”, tha Marina, e cila në atë periudhë ishte 54 vjeçe.
15 ditë pas humbjes së madhe, ata nisën tentativat për të bërë një tjetër fëmijë, ndërsa Marina nisi një trajtim të veçantë të hormoneve derisa në mars të vitit 2017 mbeti shtatzënë.
Brando Michael vjen në jetë para një dite me operacion çezarian, pak kohë para se të mbushte tamam 9 muaj.
“Nuk e mendoja kurrë se do të bëhesha sërish nënë, Zak nga lart në qiell më ndihmoi me këtë shtatzëni, tashmë ka një vëllaçko”, u shpreh 55-vjeçarja për mediat italiane.
Ai është shëndoshë e mirë por do të qëndrojë në spital për pak kohë, që të fitojë peshën e duhur.
