Një çift shqiptar i cili ishte i papunë, ka rënë në grackën e policisë, pasi kishin fshehur rreth 290.450 mijë euro në sediljet e pasme të automjetit. Paratë ishin mbyllur hermetikisht në pako plastike, e bashkë me to u gjet dhe një kartë identiteti fallco.
Gjithçka është zbuluar në kohë reale, falë një qeni, ku me anë të nuhatjes drejtoi të zotin për të kërkuar në zonën ku ishin fshehur paratë. Ndonëse çifti kishte menduar se aty nuk mund të zbuloheshin këto të ardhura, policia kishte hedhur hije dyshimi, e më pas ishte vënë në veprim.
Një çift emigrantësh shqiptar, me banim në Bresha të Italisë, janë ndaluar nga policia financiare italiane në pikën kufitare të Ventimiglias që lidh Italinë me Francën.
Çifti shqiptar i cili udhëtonte me një makinë me targa gjermane, gjatë kontrollit doganor, ka deklaruar se ishin nisur për pushime në Spanjë, dhe se zotëronin vetëm 1500 euro cash. Në sajë të një kontrolli të policisë italiane, ishte verifikuar se çifti shqiptar ishte i papunë dhe e pashpjegushme udhëtimi i tyre drejt Spanjës.
Falë qënëve policor të stërvituar për kapjen e trafiqeve të paligjshme, policia financiare italiane ka mundur të zbulojë rreth 290.450 mijë euro të fshehura në sediljet e pasme të automjetit. Burimet bëjnë me dije se shuma e parave është sekuestruar, ndërsa çifti shqiptar është denoncuar me akuzën e riciklimit të paligjshëm. Autoritetet italiane nuk kanë ndalur hetimet, për të hedhur dritë mbi prejardhjen e kësaj shume parash.
