Marsela Çibukaj dhe Vitmar Basha nuk e kanë në plan që të martohen tani. Në fillim të muajit, Eraldo Rexho deklaroi për “Edicionin Veror” se Marsela dhe Vitmari do të martohen.
Në kopertinën e Revistës “Who”, Vitmari ka hedhur poshtë këto zëra. Ai thotë se ende nuk kanë planifikuar gjë. “Pavarësisht se është përfolur shumë në portale apo media për fajin tënd [Eraldo], ne nuk kemi ndarë apo planifikuar asgjë. Do na pëlqente, pse jo, siç themi ne tironsit, ‘me kismet t’Zotit”.
Kurdo që të jenë gati, çifti e di si e do ceremoninë. “Buzë deti, të rrethuar nga njerëzit që duam fort, prindërit, shoqëria, diçka e thjeshtë, por kuptimplotë dhe me siguri shumë muzikë të mirë”, tregon Marsela.
