Kina ka vrarë dhe burgosur afro 20 agjentë amerikanë. Ky është përfundimi që ka dalë një raport i fshehtë i CIA-s. Sipas këtij raporti, të publikuar nga “New York Times” theksohet se “në mënyrë sistematike janë shkatërruar” përpjekjet për spiunim të agjencisë CIA, prej fundit të vitit 2010, duke i vrarë ose burgosur.
Duke cituar 10 zyrtarë aktualë të CIA-s amerikane, të cilët kanë folur në kushte të anonimitetit, gazeta e ka përshkruar këtë situatë si njërin prej lëshimeve më të mëdha të inteligjencës në disa dekada.
Disa hetues kishin besuar se ekzistonte një spiun në mesin e agjencisë amerikane, CIA, derisa të tjerët kanë shfaqur dyshime se kinezët kishin depërtuar në sistemin e fshehtë të CIA-s, që përdoret për komunikim me burimet e veta të jashtme.
Sipas “New York Times” kjo çështje mbetet ende e pazgjidhur.
