Më në fund përmbyllet misioni i gjetjes së pasuesit të Gianni De Biasit, dhe drejtimin e ardhshëm të Kombëtares shqiptare të futbollit e ka marrë Christian Panucci.
Mes shumë emrash të njohur të botës së futbollit që u kontaktuan nga FSHF, Sedorf, De Kanio, Malesani, Zenga, u zgjodh pikërisht Panucci, i cili arriti marrëveshjen më Federatën në orët e vona të së hënës.
Në karrierën si futbollist, Panucci ka qenë pjesë e klubeve më prestigjioze si Milan, Real Madrid, Inter dhe Roma, ndërsa si trajner, ka vetëm një eksperiencë si ndihmës i Fabio Capello-s, në Botërorin e vitin 2014, me kombëtaren Ruse.
Drejtimi i Kombëtares shqiptare ka për të qenë eksperienca e parë e Panuccit si trajner i parë dhe fakti që do t’i duhet të zëvendësojë një emër si Gianni De Biasi, do e bëjë këtë detyrë më të përgjegjshme.
