Një fitore në “Stamford Brodge” ka rikthyer shpresën e “Bluve të Londrës” se mund të shpëtojnë sezonin. Chelsea ka mposhtur Liverpoolin me rezultatin 1-0, me gol të shënuar që në pjesën e parë më autor Olivier Giroud, i cili shënoi pas asistit të Victor Moses.
Londinezët e mbrojtën me fanatizëm avantazhin ndaj ekipit finalist të Champions League duke u futur në valle për të marrë pjesë në veprimtarinë më prestigjioze edhe në sezonin e ardhshëm. Kur mbeten dy javë nga fundi, Liverpool i vendit të tretë ka 72 pikë, Tottenham ka 71 pikë, ndërsa Chelsea ka 69 pikë. Liverpool ka luajtur një ndeshje më shumë. Një prej tyre do të mbetet jashtë “Top 4”, por mund të shkojë në Champions nëse Liverpool mposht Real Madrid në finalen e Kievit.
Ndërkohë, Arsenal ka fituar 5-0 ndaj Burnley në ndeshjen e fundit të Arsene Wenger në “Emirates Stadium”, pas 22 vitesh. Më këtë rezultat u vendos përfundimisht se Arsenal do të jetë në Europa League sezonin e ardhshëm, si vendi i gjashtë në Premier League.
