Champions League/ Raundi i katërt vendos fatet për disa skuadra

Champions League kthehet natën e sotme me përballje mjaft interesante, që premtojnë spektakël. Është përballja e katërt e fazës në grupe për ekipet, ku do të ndahen fatet e tyre se kush do të shpresojë për më tej.

Roma-Chelsea është sfida më e nxehtë, duke pasur parasysh edhe ndeshjen e parë që u luajt në Londër, e cila dhuroi shumë emocione dhe gola spektakolarë. Të dyja ekipet do të kërkojnë fitoren në këtë sfidë, pasi dua që të qëndrojnë në krye duke parë rrezikun Atl Madrid që ka sfidë të lehtë përballë Qarabar të , Ansi Agollit.

Basel i Xhakës do të zhvillojë një ndeshje vendimtare që në rast fitoreje mund të sigurojë kalimin përtej fazës së grupeve. Ata do të përballen me CSKA, e cila ka tre pikë më pak duke mos llogaritur Manchester United që i ka fituar të gjitha ndeshjet deri tani dhe mbanë vendin e parë. Ekipi i Mou d të ketë përballë Benfican e cila është duke kaluar një formë mjaft të dobët dhe në rast fitoreje, të kuqtë sigurojnë kualifikimin.

Bayer Munich do të kërkojë të marrë fitoren me çdo kusht përballë Celtic, në Skoci. Pasi PSG do të presë në shtëpi Anderlecht, i cili konsiderohet një kundërshtarë i lehtë dhe në rast të ndonjë gabimi të bavarezëve Parisi shkëputet. Bayern me në pankinë Heynckes ka marrë formë tjetër dhe do tentojë ti marrë kreun PSG në përballjen tjetër që do të kenë.

Katalanasit janë duke kaluar një formë të shkëlqyer duke grumbulluar vetëm fitore, por këtë herë pritet të hasin vështirësi në Greqi përballë Olympiakosit, i cili bëri një ndeshje mjaft të mirë përballë Juventusit edhe pse në fund u mposht. Barcelona qëndron në vendin e parë me pikë të plota dhe në rast fitoreje kualifikimi për më tutje d të ishte i sigurt. Ndërsa përballje tjetër e këtij grupi është vendimtare për italianët e Juves, të cilët në rast fitoreje do të jenë më të qetë në vazhdim pasi shkëputen në +6 nga ndjekësit e Sporting Lisbone. Por përballja në Lisbonë do të jetë mjaft e vështirë për ekipin e Allegrit edhe pse në ndeshjet e fundit kemi parë një ekip më solid në fushë dhe me një Higuain të rikthyer në formë perfekte.

Të gjitha ndeshjet: