Mbyllen pjesët e para të Champons League, emocionet janë të shumta dhe janë shënuar disa gola mjaft të bukur. E vetmja ndeshje që nuk është zhbllokuar është Manchester City-Shakhtar Dontesk.
Real Madrid kalon në avantazh në minutën e 18’ me anë të Gareth Bale, pas atij asistimi perfekt të Carvajal dhe fraksioni i parë është mbyllur 1 me 0. Dortmund vuan shumë në organizimin e aksioneve, pasi ekipi i Zidane është vendosur mjaft mirë në fushë dhe nuk lejon hapësira.
Liverpool i falet sërish Coutinho-s i cili arrinë të organizojë një aksion mjaft të bukur në kombinim me Mane dhe barazon shifrat pas atij goli të shënuar nga Fernando me goditje dënimi nga mbi 20 metra. Edhe Tottenham shënon në të 39’ me anë të bomberit Kane.
Ndërkohë Monaco është duke u mundur nga Porto në shtëpi, nuk kanë mjaftuar ato dy superpritje të portierit, pasi Abubakar ka arritur ta dërgojë sërish topin në rrjetë, pritet reagimi i francezëve në pjesën e dytë. Sevilla dhe Besiktas janë duke fituar me dy gola në avantazh, ndërsa Napoli e mbanë kokën lart me atë supergol të Insigne. /Tirana Today
Disa gola:
