Champions League/ “Big”-ët e Europës në sfidat për “jetë a vdekje”

E marta do të rikthejë emocionet e Champions League, ku do të zhvillohen ndeshjet e fundit të fazës së grupe. Asgjë nuk është vendosur në disa grupe dhe ndeshjet e nesërme do të vendosin mbi ecurinë që do të ketë ekipi, por ka edhe luftë sa i përket zonës së Europa League.Në Grupin C, situata është nxehur shumë pasi Atletico mposhti Romën në ndeshjen e fundit dhe riktheu shpresat e kualifikimit. Por gjithçka do të varet nga sfida në “Olimpico”, ku Roma do të presë azerët e Qarabag dhe vetëm fitorja është e vlefshme për italianët. Nga ana tjetër “los colchoneros” udhëtojnë drejt Londrës, për tu përballur me Chelsean që ka siguruar kualifikimin por jo vendin e parë. Dy sfida mjaft të nxehta ku Atletico do të shpresojë tek një dhuratë nga azerët e Ansi Agollit. Ky i fundit do të mungojë për shkak të dëmtimit të marrë disa ditë më parë.Në grupin D letrat janë të hapura për vendin e dytë, por biletën duket se do ta presë Juventus. Sporting Lisbon do të udhëtojë drejt Barcelonës, për tu përballur me katalanasit ku do të japin maksimumin për të fituar këtë sfidë dhe të shpresojnë tek një ndalesë e Juventusit në Athinë. Por edhe Barcelona nuk do të tolerojë pasi i duhet të paktën një barazim për të siguruar vendin e parë. Bardhezinjtë do të përballen me Olympiacos, një ndeshje mjaft delikate duke pasur parasysh se si arrit të fitonin në Torino dhe sa e fortë ishte ndeshja. Edhe pse grekët nuk shpresojnë për asgjë do t’ia bëjnë mjaft të vështirë Juventusit kualifikimin.Në grupin B llogaritë janë të mbyllura, por ky grup na rezervon kryendeshjen e mbrëmjes, pasi yjet e Parisit, do të udhëtojnë drejt Mynihut për tu përballur me bavarezët. Një sfidë hakmarrje për gjermanët, pas atij turpërimi që pësuan në Paris nga Neymar me shokë. Ndërsa sfida tjetër është mes Celtice dhe Anderlecht, që mund të quhet një sfidë për Europa League, por që belgëve u duhet të fitojnë me një rezultat mjaft të thellë për t’ia arritur.Në grupin A që kryesohet nga Manchester United, që ka siguruar matematikisht edhe kualifikimin, lufta mbetet mes Baselit të Taulant Xhakës dhe CSKA-s. Këto të fundit ndajnë vendin e dytë dhe të tretë me pikë të barabarta, nga 9 secila. Baseli do të udhëtojë drejt Portugalisë për tu përballur me Benfican që deri tani nuk ka marrë asnjë pikë, helvetët udhëtojnë me misionin e vetëm fitoren. Nga ana tjetër rusët do të udhëtojnë drejt Anglisë për tu përballur me djemtë e Mourinhos. Sfidë mjaft delikate, duke parë edhe surprizën që i bëri Baseli në Zvicër, United do të kërkojë të marrë të paktë një pikë për të mbajtur i vetëm kryesimin e grupit. TIRANA TODAY