Fabio Capello sulmoi ashpër Bonuçin pas simulimit të turpshëm ndaj Athletico në Champions. Juventusi u ndëshkua me golat e Gimenez dhe Godin. Tani bardhezinjtë e shohin veten me një këmbë jashtë Championsit.
Ish-trajneri bardhezi e akuzoi mbrojtësin e Juventusit me fjalët: “Bonuçi mori një përkëdhelje dhe menjëherë u hodh në tokë. Në Itali sapo ju prekin, ju merrni faull. Është e qartë se nuk kishte asgjë dhe arbitri menjëherë i tha atij të ngrihej”.
I menjëhershëm ishte reagimi i Bonuçit, i cili me një status në Twitter u shpreh: “Juve do të rikthehet. Janë 90 minuta të tjera për t’u luajtur. Secili duhet të japë maksimumin si në fushë, edhe jashtë saj”.
