Përfaqësuesja e Kosovës pak ditë më parë ka zyrtarizuar edhe trajnerin e ri i cili do ti drejtojë në Nacviona League dhe në eliminatoret e Europianit 2020, zviceranin Bernard Challandes. Ky është starti i një epoke të re, nga e cila pritet që futbolli në Kosovë të ketë një rritje të ndjeshme duke parë edhe talentet e rinj të cilët kanë shfaqur dëshirën për tu bashkuar me ta.
Kosova do të zhvillojë dy ndeshje miqësore në Francë, në datë 24 dhe 27 mars, tekniku i ri ka shpallur edhe listën e 23 futbollistëve të cilët janë të grumbulluar për këto dy sfida. Kundërshtarët e përfaqësueses së Kosovës do të jenë respektivisht Madagaskari dhe Burkina Faso.
Mes të grumbulluarve figuron edhe Edon Zhegrova i Genkut, një lojtar i ri, që ishte edhe në fokusin e Christian Panuccit për fanellën kuqezi. Ka dhe shumë prurje të reja, ndërsa mungojnë emra të mëdhenj si Valon Berisha dhe Besar Halimi të cilët do të mungojnë për shkak lëndimesh.
Ja lista e lojtarëve të thirrur nga Kosova:
Portierë: Samir Ujkani (Cremonese), Bledar Hajdini (Trepça’89), Faton Maloku (Feronikeli).
Mbrojtës: Amir Rrahmani (Dinamo Zagreb), Leart Paqarada (Sandhausen), Mërgim Vojvoda (R.Muskron), Ardin Dallku (Vorskla Poltava), Fidan Aliti (Skënderbeu), Lirim Kastrati (Roma U-21), Benjamin Kololli (Lozanë), Alban Pnishi (Grasshoper).
Mesfushorë: Hekuran Kryeziu (Luzern), Idriz Voca (Luzern), Herolind Shala (Lyngby), Gjelbrim Taipi (Grasshoper), Edon Zhegrova (Genk), Arbër Zeneli (Herenven), Bernard Berisha (Akhmat), Bersant Celina (Ipsuiç Toën), Milot Rashica (Verder Bremen)
Sulmues: Elbasan Rashani (Odds BK), Atdhe Nuhiu (Shefild Uensdej), Vedat Muriqi (Çaikur Rizespor).
