Mohamed Salah është njeriu i momentit tek Liverpooli, ai është i përfshirë në 50 gola me “the reds”, 39 herë ka shënuar dhe 11 asistime. “City ushtronte presing shumë lartë dhe pati mjaft raste, por ne u rikthyem dhe luajtëm fort për të arritur një fitore të merituar”, tha Mohamed Salah pas ndeshjes.
Salah dha një kontribut të madh në kualifikimin e Liverpool në gjysmëfinalet e Champions League.
HISTORIA – Në sytë e tifozëve të Liverpoolit është një hero, por i tillë është edhe në vendlindjen e tij, Egjipt. Mohamed Salah vulosi edhe një herë fatin e skuadrës së “reds”-ave mbrëmjen e djeshme në “Etihad” dhe në fshatin e tij Nagrig, një vend i vogël mes Aleksandrisë dhe Kajros shpërtheu festa.
Në rini Salah luante për Aleksandrinë kur një episod i pakëndshëm ndodhi me jetën e tij. Familja e tij u grabit dhe autori u vu përpara drejtësisë pak ditë më vonë, pas denoncimit të babait të Mohamed.
Por i biri i tij kishte plane të tjera: ai i kërkoi të atit që ta tërhiqte denoncimin. Dhe nuk u mjaftua me kaq. Salah i dha të holla grabitësit dhe më vonë bëri edhe një tjetër gjest të paprecedent, i gjeti një punë. Një histori që e zbulon “DailyMail” dhe që tregon shumë për karakterin e 25-vjeçarit, i cili u bë dje edhe një herë heroi i tifozëve dhe vendit të tij, duke dërguar 5 herë kampionët në gjysmëfinale.
