Kryedemokrati Lulzim Basha, ka mbledhur sot ekspertët demokratë të Reformës Zgjedhore. Në takim ishin Oerd Bylykbashi, Ivi Kaso, Enkelejd Alibeaj, si dhe Sekretari i Përgjithshëm i PD, Gazment Bardhi.
Takimi sapo ka përfunduar, dhe mësohet se demokratët kanë bërë një bilanc për punën aktuale të komisionit, por edhe si do të vijojë puna për Reformën Zgjedhore.
Më herët PD ka deklaruar se PS dhe kryeministri Rama nuk kanë vullnet për të çuar përpara Reformën në Drejtësi, për shkak se nuk ka dhënë përgjigje për asnjë nga propozimet e bëra nga përfaqësuesit e opozitës në Këshillin Politik.
Nga ana tjetër, sot Gjiknuri i ka dërguar një ftesë-propozim Bylykbashit dhe Vasilit, për tryezën e Reformës Zgjedhore.
