Çfarë realisht po ndodh në Botswana të Afrikës Jugore?
Raportohet se mbi 350 elefantë kanë ngordhur në një kohë shumë të shkurtër ndërsa shkaqet mbeten ende mister.
Vlen të theksohet fakti se ky fenomen është cilësuar si një katastrofë nga shkencëtarët.
Tashmë elefantët janë në rrezik zhdukjeje!
Kujtojmë se ngordhjet masive në këtë zonë u raportuan për herë të parë në Delta Okavango, në fillim të majit.
Shumica e elefantëve të ngordhur janë gjendur në pellgjet e ujit ku gjitarët gjigantë shuajnë etjen.
“Kjo është një humbje masive në një nivel që nuk është parë në një kohë shumë të gjatë. Veç thatësirës, unë nuk e di për ndonjë rast që ngordhja të ketë qenë kaq domethënëse”, tha Dr Niall McCann, drejtori i konservimit në National Park Rescue.
Nuk ka ende informacion mbi atë që po shkakton ngordhjen e këtyre kafshëve apo nëse ato mund të paraqesin rrezik për shëndetin e njeriut.
