Fotoja e kryeministrit Rama me bashkëshorten e tij dhe me çiftin presidencial Trump bëri bujë të madhe.
Kjo më shumë për faktin se gjatë fushatës presidenciale në SHBA, ishte kryeministri Rama ai që doli publikisht kundër Donald Trump, duke e cilësuar këtë të fundit si “turpin e njerëzimit”.
Por, pas zgjedhjes së Trump president i SHBA-ve, ka ndryshuar edhe qëndrimi i Ramës.
Më në fund, kryeministri ka arritur të bëjë një foto familjare me Trump, të cilën e ka quajtur “Fotoja e ditës”.
Ajo që vihet re është numri i madh i reagimeve lidhur me foton, teksa pas 14 orëve e publikuar, ajo është pëlqyer mbi 43.000 herë, është shpërndarë 788 herë dhe komentet janë me qindra.
Por, çfarë mendojnë shqiptarët për këtë foto?
Një shqiptar i Kosovës i shkruan se krenohet me Ramën dhe do të donte të ishte një udhëheqës si Rama edhe në Kosovë, si dhe i uron shëndet e jetë.
Një tjetër përmend opozitën, teksa paralajmëron se së shpejti ajo do të pyesë se sa ka paguar Rama për foton.
Një komentuese kapet me veshjen e Linda Ramës, e cila sipas saj, lë për të dëshiruar.
“Kryeministër vet ti ke thënë që Donald Trump nëse bëhet president do të ketë telashe populli shqiptar, si e shikove në sy ngaqë flisje keq për të?!”, pyet një tjetër.
Më poshtë disa nga komentet në postimin e kryeministrit:
