34 – Kryqëzohet Jezu Krishti, sipas Isak Njutonit. Më 1733, Njutoni bëri përllogaritjen e kësaj date duke filluar nga pagëzimi i Krishtit në vitin 29 që ndodhi gjatë vitit të 15- të Cezar Tiberit (Luka 3:1, 21). Më pas shkencëtari përdori dëshmi për pesë pashkë hebraike, që kishin ndodhur që prej vitit 29, për të mbërritur matematikisht në vitin 34 të kryqëzimit.
1154 – Sulltan Nuredin Alepo pushton Damaskun e kontrolluar nga kryqtarët e krishterë. Më pas, ai u nis për të pushtuar Egjiptin, me synimin për bashkimin e shteteve myslimane. Por Egjipti qeverisej nga Saladini dhe ky nuk donte të ishte nën autoritetin e Nuredinit. Madje për këtë arsye, Saladini nuk mori pjesë as në fushatat e udhëhequra nga Nuredini kundër Jeruzalemit, në vitet 1171 dhe 1173. Saladini besonte se mbretëria e kryqtarëve do të vepronte si një shtet ndarës midis Egjiptit dhe Sirisë, duke shmangur përplasjen a konfliktet midis tyre. Sulltan Nurdin Alepo e kuptoi se kishte krijuar një kundërshtar të rrezikshëm, dhe të dy princat u përgatitën ushtarakisht për atë që dukej luftë e pashmangshme. Por papritur, Nuredini u sëmurë dhe vdiq në moshën 59-vjeçare, më 15 maj 1174, në kështjellën e Damaskut.
1616 – Vdiq dramaturgu Uilliam Shekspir, në qytetin Stratford -on -Avon, Angli. Nuk dihet data e saktë e lindjes, por biografët mendojnë se shkrimtari i madh ka shumë të ngjarë të ketë lindur gjithashtu më 23 prill (1564).
1867 – Mbretëresha e Anglisë, Viktoria dhe Perandori i Francës, Napoleon III hedhin poshtë planet për ndërtimin e një tuneli nënujor nëpër Kanalin La Mansh.
1904 – Krijohet Akademia amerikane e Arteve dhe Letrave.
1920 – Mbahet Asambleja e Madhe Kombëtare. Nacionalistët turq zhvillojnë mbledhjen e tyre të parë parlamentare, ku denoncojnë qeverinë e sulltan Ahmetit VI, miratojnë një kushtetutë të përkohshme dhe zgjedhin Qemal Ataturkun si president të Turqisë.
1969 – Sirhan Sirhan dënohet me vdekje për vrasjen e Robert Kennedy. Më vonë dënimi ndryshon në burgim të përjetshëm.
1977 – Mjeshtër i shahut Vlastimil Hort i Çekosllovakisë luan 201 lojëra në të njëjtën kohë dhe humbet vetëm 10 prej tyre.
1982 – Themelohet Republika de la Conch që shkëput një rajon të Floridës nga Shtetet e Bashkuara.
1992 – Në Kinë hapet restoranti i parë McDonalds i ushqimeve të shpejta. Koncepti i restorantit me ushqime të tilla, të shpejta e të lira (për njerëzit që nuk kanë shumë kohë, dhe për ata që nuk kanë shumë para) u paraqit në San Bernardino, Kaliforni, më 1948, nga vëllezërit Richard dhe Maurice McDonald, të cilët kur panë se restoranti pati sukses, krijuan korporatën McDonalds.
