1897- 25-vjeçari George Smith, i cili ishte shofer taksie nga Londra, u bë personi i parë i në botë arrestuar për ngarje makine në gjendje të dehur. Kjo pasi Smith përplasi taksinë e tij në një godinë, ndërsa më vonë u shpall fajtor dhe u gjobit me 25 shilinga.
1924 – Kryeministri shqiptar Fan Noli i drejtohet Asamblesë së pestë të Lidhjes së Kombeve me një fjalim. Ai kërkoi hua financiare dhe ndihma ekonomike për rimëkëmbjen vendit, por kërkesa e Nolit nuk u pranua.
1946 – Ndërsa po udhëtonte me tren në Darjeeling të Indisë, murgesha e re Gonxhe Bojaxhiu dëgjoi thirrjen: “Ik nga manastiri, shko jeto mes të varfërve t’i ndihmosh ata!”
Më pas, murgesha shqiptare do të bëhej e njohur si Nënë Tereza. Thirrja ishte e Zotit.
1956 – Një grup prej 60 barinjsh nga Shqipëria, me rreth 1 mijë bagëti, kalon kufirin dhe kërkon strehim politik në Greqi. Barinjtë u thanë autoriteteve greke se e kaluan kufirin pasi kishin “neutralizuar” rojet e postës kufitare. Ata u lejuan të ngrinin kampin e tyre në një fushë pranë Konicës.
1967 – Populli i Gjibraltarit refuzon të bëhet pjesë e Spanjës, duke votuar që të mbetej nën varësinë britanike.
1977 – Hamida Djandoubi, i dënuar për torturë dhe vrasje, është personi i fundit që ekzekutohet me gijotinë në Francë.
2002 – Zvicra bëhet anëtare e Kombeve të Bashkuara.
2003 – Ministrja e Jashtme e Suedisë, Anna Lindh qëllohet me thikë ndërsa ishte duke bërë pazarin. Ajo vdiq të nesërmen.
2008 – Eksperimenti më i madh shkencor në histori, LHC (Large Hadron Collider) fillon në laboratorin CERN afër Gjenevës, Zvicër.
Nëpërmjet këtij eksperimenti, fizikantët përpiqen të provojnë disa prej teorive mbi materien dhe prejardhjen e universit.
2011 – Kombet e Bashkuara shpallin Ditën Botërore të Parandalimit të Vetëvrasjeve. Sipas të dhënave, 1 milion njerëz vdesin çdo vit nga vetëvrasjet, që është baraz me 1 vdekje çdo 40 sekonda ose 3 mijë vdekje çdo ditë.
2012 – Grupi Drejtues Ndërkombëtar i jep fund zyrtarisht mbikëqyrjes së pavarësisë së Kosovës, duke i dhënë vendit sovranitet të plotë – hapi më i rëndësishëm që nga shpallja e pavarësisë më 17 shkurt 2008.
