Kryedemokrati Basha ka cekur edhe një herë tjetër çështjen e Xhisielës. Nga qyteti i Korçës, Basha ka hedhur akuza mbi Ramën, se ka angazhuar të gjithë shtetin, për të mbrojtur me çdo kusht deputetin Rrahman Rraja dhe djalin e tij, për dhunën ndaj Xhisiela Malokut. Basha ka thënë se ligji vepron me dy standarte, duke iu referuar deputetëve socialistë.
“Kemi dosjet e Emiljano Nuhut dhe Dritan Zaganit, të cilat janë mbyllur në kasafortat e Prokurorisë. Ligji vepron me dy standarde. Ndryshe për politikanët socialistë, dhe të afërmit e tyre. Dhe s’ka shembull me të rëndë se ai i Rrahman Rrahjës dhe djalit të tij, të cilët pasi dhunuan një vajzë, angazhuan të gjithë shtetit. Nga Taulant Balla, tek Edi Rama për të fshehur ngjarjen.
Vajza nga një viktimë, e kthyen në një vajzë të kontrolluar, e cila përqafon sulmuesit dhe denoncon ata që i dalin në mbrojtje”, ka thënë Basha.
Kreu i PD-së më tej ka thënë se: “Denoncuam lidhjet e Taulant Ballës dhe lidhjet e tij me persona që fitojnë tendra pa garë, apo presionet e tij ndaj Prokurorisë për të liruar personat e inkriminuar.
Kemi një Prokurori që duhet të çlirohet nga kapja politike dhe kriminale”.
