Për herë të parë, Emiljano Shullazi ka folur në seancën e sotme për kërcënimin ndaj biznesmenit Ylvi Beqja.
Pas seancave të ballafaqimit të zhvilluara më herët, Emiljano Shullazi ka mohuar sot të ketë kërcënuar biznesmenin Beqja, ndërsa tha se ky i fundit i ka kërkuar ndihmë për ndërmjetësimin në gjykatë, sepse po humbiste ish-Vollgën. Madje, sipas Shullazit, Beqja i kishte thënë se do i jepte 1 mln e 400 mijë euro.
“Ylvi Beqja gënjen, më kërkoi ndihmë të ndërmjetësoja në gjykatë sepse po humbiste ish Vollgën. Më tha se do të më jepte 1 mln e 400 mijë euro për ndërmjetësimin. Nuk e kam kërcënuar kurrë Ylvi Beqajn. Po mos t’i bëje punë ai e quante kërcënim. Edhe Jani Zaka më kërkoi si ndërmjetësues Fatmir Sinanin, kishte humbur lekë në lloto”, mësohet të ketë thënë Shullazi.
