Prokurori Besim Hajdarmataj i është përgjigjur pyetjes së Alibeajt nëse procedimi penal i 2016-ës ka lidhje me procedimin penal të 2017-ës.
Hajdarmataj tha se sipas materialeve që Prokuroria ka, rezulton se të njëjtët persona kanë që në 2013 që trafikojnë lëndë narkotike.
Alibeaj: Ju thatë se keni filluar një procedim penal. Thatë se që në 2016 ka procedime penale me po të njëjtët aktorë dhe vepra penale. Pyetja ime është a ka një lidhje logjike shkak pasojë apo përputhje të fakteve të procedimit të 2016 me procedimin e tanishëm?
Hajdarmataj: Duke qenë se ky aktivitet kishte një shtrirje në kohë, që rezulton që nga viti 2013 dhe vazhdon në 2016. Në 2016 kemi filluar një procedim penal, ku rezulton se që nga 2013 këta persona kanë një përfshirje në trafikim të lëndëve narkotike.
