Icardi-Inter: Po tani? Zikaltërit udhëtuan drejt Vjenës pa Mauro Icardin, me argjentinasin që nuk pranoi të ishte pjesë e grumbullimit për këtë transfertë pas vendimit të drejtuesve të klubit milanez për t’i hequr shiritin e kapitenit.
Tashmë sulmuesi argjentinas kthehet më shumë se kurrë në një çështje dhe me shumë gjasa të tjera masa ndëshkimore do të ketë ndaj lojtarit. Gjithsesi, Icardi ka vijuar me seancat e personaliozuara të fizioterapisë në Appiano Gentile për të zgjidhur një problem në kavilje çka bën që të mos zbresë në fushë edhe për sfidën ndaj Sampdorias.
Një shaka e vërtetë e fatit. Në ditët e prishjes së marrëdhënieve mes Inter-it dhe ish-kapitenit Mauro Icardi, Suning ka blerë… Wanda-n. Mund të duket një shaka, por bëhet fjalë për një lajm të vërtetë. Siç ka bërë të ditur “Forbes”, kolosi kinez i familjes Zhang ka blerë plot 37 dyqane të “Wanda Store”.
Ky operacion i ka kushtuar 1.18 miliardë dollarë kompanisë kineze që zotëron klubin milanez.
