Kryeministri Edi Rama ka shkuar në Presidencë, ku po zhvillon një takim me presidentin Ilir Meta.
Mësohet se në fokus të takimit është çështja e detit dhe negociatat e Shqipërisë me Greqinë. Kujtojmë se Meta nuk ka dhënë autorizimin për Plotfuqishmërinë, teksa është shprehur se Bushati nuk është konsultuar me të dhe se ka mungesë informacioni mbi çështjen.
Madje, Meta ironizoi edhe sot Bushatin, teksa i pyetur lidhur me negociatat u përgjigj se “nuk e dinte nëse Bushati ka qenë te shkolla “Fan Noli”, por ajo na ka mësuar që çdo gjë në kohën e duhur. Faleminderit”.
Ky është takimi i parë që Rama dhe Meta mbajnë për këtë çështje të rëndësishme, e cila pritet t’i hapë dyert e negociatave Shqipërisë me BE-në.
