Cristiano Ronaldo duket se nuk do të gjejë kurrë qetësi. Ai akuzohet për përdhunim nga Kathryn Mayorgas, ngjarje e ndodhur në vitin 2009.
Revista gjermane “Der Spiegel” e ka vënë sërish në shënjestër sulmuesin e Juventusit. Prestigjozja gjermane ka zbuluar dokumente të reja në lidhje me këtë çështje. Ndërsa të dhënat pritet ta rëndojnë situatën në të cilën ndodhet futbollisti.
Sipas asaj që publikohet te kjo revistë, ekzistojnë dy pyetësorë në lidhje me ngjarjen.
Këto pyetësorë avokatët i kanë dhënë Ronaldos për t’i plotësuar. Në këtë mënyrë ata janë gati që të përgatiten edhe për strategjinë e mbrojtjes.
Njëri prej pyetësorëve ishte përpiluar në muajin gusht e tjetri në dhjetor. Por, në përgjigjet kishte disa mospërputhje mes dy pyetësorëve.
“Der Spiegel” citon një dokument prej 41 faqesh me titullin “Pyetje për klientin”. Dokumenti ishte dërguar nga një studio ligjore e avokatit të Cristiano Ronaldos, Carlos Osorio de Castro.
Në harkun e 4 muajve, përgjigjet e disa pyetjeve ishin ndryshuar. Një situatë e tillë tregon se avokatët po punojnë për të hedhur poshtë akuzat e Mayorgës.
Kështu, pyetjes nëse “Zonja C” ngriti zërin apo bërtiti, Ronaldo në muajin gusht iu përgjigj: “Ajo tha jo dhe ndaloi”, ndërsa në muajin dhjetor ishte ndryshuar në “Jo”.
Tjetër mospërputhje mes dy pyetësorëve u pa edhe në përgjigjet për pyetjen nëse “Zonja C” foli pas raporteve seksuale.
Në versionin e parë, Mayorga e cilësoi Ronaldon “idiot” dhe se “ai e detyroi”. Ndërsa portugezin i kishte thënë se “i vinte keq”. Ndërsa sipas versionit të dytë, Mayorga nuk kishte thënë “asnjë fjalë” pas asaj që ndodhi./TIRANA TODAY/
