Publicisti dhe opinionisti, Fatos Lubonja ka folur për diskutimet mes Shqipërisë dhe Greqisë si dhe për çështjet të cilat kanë mbetur pezull prej vitesh mes të dyja vendeve.
Lubonja ka deklaruar se ka një ankesë, e cila lidhet me mungesën e transparencës për të dyja vendet sa i takon ecurisë së bisedimeve Kotzias-Bushati. Ai shprehet se ka shenja pozitive në përpjekjen për të zgjidhur mosmarrëveshjet dhe problemet e së shkuarës.
Teksa ka folur në rubrikën opinion në “Neës 24”, Lubonja ka theksuar se qasja e bisedimeve po shoqërohet me nacionalizma në të dyja vendet, ndërsa nënvizoi se duhet pasur kujdes dhe të tregohemi më racional në veprime.
“Ka ankesa për mungesë transparence dhe në Greqi dhe në Shqipëri ka protesta. Mendoj se do ketë një përparim për normalizim të marrëdhënieve mes dy vendeve. Pastaj se kush fiton dhe kush humbet është çështje tjetër. Mos harrojmë se në të dy krahët ka një qasje nacionaliste dhe politika ka frikë nga nacionalizmi. Në Shqipëri çështja e detit u kontestua nga socialistët dhe përsëri ruhen dhe çështja është komplekse dhe ka nevojë për një lloj racionaliteti”-u shpreh ai.
Fatos Lubonja shkoi më tej duke thënë se Shqipëria dhe Greqia kanë mosmarrëveshje të mëdha, si ajo e detit, por sipas tij, kjo duhet t’u besohet ekspertëve dhe jo partive politike, ndërsa çështja “çame” duhet të trajtohet me ftohtësi nga Shqipëria.
“Greqia ka çështjen e detit më tepër problem dhe ka disa ankesa për minoritetin. Çështja tjetër që ka Greqia për këtë çështjen e varrezave, ku ka mungesë transparencë. Pala shqiptare ka më tepër problem çështjen e luftës dhe ligji ka mbetur si një relikë dhe mendohet se do hiqet tani. Çështja më kryesore është çështja e detit dhe për këtë mund të zgjidhet me anë të ekspertëve të paanshëm. Për çështjen e varreve ka paqartësi sepse këtu ka shumë varreza, por kjo nuk mendoj se është problem. Edhe çështja e çamëve instrumentalizohet. Çështja çame duhet të trajtohet me gjakftohtësi. Unë mendoj se çështjet mesa vendeve mund të zgjidhen me një lloj arbitri ndërkombëtar”- tha Lubonja.
