Presidenti Meta dekoroi sot ish-ambasadorin amerikan në Tiranë, Aleksandër Arvizu, me titullin “Për Merita të Veçanta Civile”. Kreu i Shtetit shqiptar i akordoi ish-Ambasadorit të Shteteve të Bashkuara të Amerikës, titullin e lartë me motivacionin: “Në vlerësim të veprimtarisë diplomatike dhe kontributit të tij të çmuar, në përparimin e gjithanshëm të marrëdhënieve dypalëshe gjatë mandatit të tij si Ambasador i Shteteve të Bashkuara të Amerikës, por edhe në vijim, si dhe për mbështetjen e pakursyer të procesit të integrimit euro-atlantik të vendit”.
Si rrallë herë, kjo ceremoni bëri bashkë të majtë e të djathtë. Prej kohësh, disa figura të së djathtës i kishin munguar jetës aktive politike, e kjo pritje i risolli sërish në fokus. Në këtë ceremoni u vu re prania e Jozefina Topallit e Astrit Patozit, të cilët kohët e fundit kanë qënë më të tërhequr. Reagimet e tyre kanë ardhur përmes rrjeteve sociale, duke mos bërë shumë zhurmë.
