Celibashi:83 mijë vota të pavlefshme, analizë se sa ndikoi fleta e votimit

Ilirjan Celibashi: “Me fletët varet si është organizuar informacioni. Një gjë mund ta them me siguri, jo vetëm për kohën që patëm në dispozicion, KQZ arriti të bënte një fushatë informimi si asnjëherë tjetër. Tani nuk dua të bëj profetin megjithëse jemi post-factum, por nëse fleta e votimit do ishte me emra, ndoshta do ishte ndryshe. Por vendimmarrja e CAS-it dhe Kolegjit vlerësoi që informacioni mund të ishte më i thjeshtë për votuesit. Kemi 83 mijë fletë votimi të pavlefshme. Ngelet një analizë për të vlerësuar se sa ndikoi fleta e votimit. Pasi të shpallen rezultatet, në momentin që materiali do të asgjësohet do të ishte e dobishme edhe për partitë politike dhe subjektet. Para se KQZ t’i djeg’ ndoshta është mirë që të shohim ato fletë votimi që janë vlerësuar të pavlefshme, për çfarë arsye është”