Edhe pse tani është 36 vjeç, askush nuk mund ta mohoj se Zlatan Ibrahimovic është ende një nga më të mirët në botë. Dhe çfarë karriere të shkëlqyer ka pasur ai. Legjenda suedeze, ka shënuar 62 gola në 116 ndeshje për vendin e tij dhe ka fituar 32 trofe gjatë karrierës, ku përfshin titujt e ligave më të forta si në Itali, Holandë, Francë dhe Spanjë dhe ka 421 gola në 729 ndeshje në karrierë.
Fakti që ai gjithmonë ka luajtur për ekipe të mëdha është një tjetër provë e cilësive të tij. Jo shumë lojtarë mund të thonë se ata kanë luajtur për Ajax, AC Milan, Inter, Barcelona, Juventus, Manchester United dhe Paris Saint-Germain. Zlatan filloi të bënte emër që tek Ajaxi në fillim të viteve 2000. 48 gola në 110 ndeshje, bëri që Juventusi të paguante 16 milionë euro për sulmuesin. Jo shumë kohë pas mbërritjes së tij tek Juve, Fabio Capello do të shkonte në Torino dhe do të menaxhonte sulmuesin enigmatik.
Ish-shefi i Anglisë pretendon se pa udhëzimin e tij, Zlatan nuk do të arrinte kurrë të bënte karrierën që ka sot. “Kur Ibrahimovic arriti në Juventus, ai nuk ishte i mirë me gjuajtjet”, tha Capello për Sky Italia.
“Mino Raiola (agjenti i Ibrahimovicit) më tha: ‘Zlatan është vërtet i fortë, u ka thyer duart portierëve.’ Unë i thashë atij: “ Më dëgjo, për momentin ai mund të thyej vetëm dritaret në palestër.”
“Pastaj fillova të trajnoj Ibrahimovic çdo ditë dhe, natyrisht, si të gjithë e dinë, ai u përmirësua shumë.” Capello pretendon se Ajax shiti Ibrahimovic tek Juventusi sepse nuk besonin se ai do të ishte një lojtar i madh, ata preferuan të mbanin në ekip ish-lojtarin e Tottenham, Mido.
“E kisha piketuar Ibrahimovicin qëkur isha trajner i Romës. Juventusi bëri një blerje të pabesueshme, e bleu atë për 16 milionë euro që do ti paguante në katër këste. Në Ajax ata mendonin se ai nuk do të ishte një lojtar madh, ata preferuan të mbanin Mido, i cili ishte më i lehtë për të menaxhuar.” Por kur e krahasoni karrierën e tij me të Ibrahimovic, duket sa qesharak ka qenë vendimi i marrë nga Ajax.
