Një operacion anti-drogë është zhvilluar nga policia greke në kufirin me Shqipërinë, konkretisht në qytetin e Kosturit.
Policia greke ka ndaluar një automjet që vinte nga Shqipëria, ndërsa para se të ndalohej, drejtuesi i mjetit, shqiptar, hodhi nga makina 2 çanta, ku u gjetën 24 pako me 21 kg 713 gram marijuanë.
Policia greke arrestoi 30-vjeçarin shqiptar, ndërsa mësohet se me të ka qenë një tjetër shqiptar, i cili ka zbritur nga makina para ndërhyrjes së policisë dhe është larguar me këmbë.
35-vjeçari është shpallur në kërkim, ndërsa policia ka sekuestruar edhe 1 celular me 1 kartë SIM, 90 euro dhe 1000 lekë shqiptare.
