Aktorja Cameron Diaz ka sjellë në jetë një vajzë, të cilën e ka pagëzuar me emrin Raddix. Ajo është bërë nënë në moshën 47-vjeçare. Aktorja e bëri të ditur lajmin nëpërmjet një postimi në Instagram, ndërsa shkruajti se ajo dhe bashkëshorti, Benji Madden, i urojnë mirëseardhjen në këtë botë vogëlushes së tyre.
Në postimin e saj, aktorja sqaron se do të donin të ruanin privatësinë e tyre dhe se nuk do të postojnë foto të vogëlushes apo detaje të tjera.
Ata prej kohësh kishin dëshirë të bëheshin prindër. “Gëzuar Vitin e Ri. Ne jemi shumë të lumtur, të bekuar dhe falenderues për këtë dekadë të re ku lindi edhe vajza jonë Raddix Madden”, shkruan aktorja ndër të tjera.
