Kombëtarja shqiptare është nisur paraditen e sotme drejt Strumicës, ku do të luajë me Maqedoninë për kualifikueset e Botërorit 2018.
Është pikërisht suedezi Jonas Eriksson arbitri i vendosur nga UEFA për të drejtuar sfidën Maqedoni-Shqipëri. Ai do të ndihmohet nga asistentët Mattias Klasenius dhe Daniel Warnmark, ndërkohë që gjyqtar i katërt do të jetë Andreas Ekberg.
Eriksson e nisi karrierën si arbitër në vitin 1994, ndërsa në vitin 2002 ai mori stemën e FIFA-s.
43-vjeçari ka arbitruar sfida të rëndësishme, si atë mes Chelsea dhe Bayern Munchen në Superkupën e Europës të 2013-ës, ndërsa në 2014-n ishte i pranishëm në Botërorin e Brazilit.
Në 6 qershor të vitit 2015, suedezi ishte arbitri i katërt i finales së Champions League Barcelonës – Juventus të luajtur në Berlin.
