Drejtori i Laboratorit të Policisë Shkencore, Dritan Zoto, është shkarkuar nga detyra me urdhër të drejtorit të Përgjithshëm, Haki Çako, ndërsa motivet mbeten mister.
Shkarkimi vjen pas ndryshimeve të, pothuajse, gjithë strukturave të policisë në vend, në qendër dhe në qarqe.
Mësohet se Çako i ka komunikuar Dritan Zotos, urdhrin e shkarkimit në zyrën e tij, ndërsa ky i fundit është zëvendësuar nga Xhevahir Çeloaliaj.
Çeloaliaj kryente detyrën e shefit të sektorit të menaxhimit të pajisjeve laboratorike në të njëjtin Institut, ndërsa shkarkimi i Zotos vjen në një moment kur, laboratorët e Institutit janë të mbingarkuar me ekzaminime të sasive të lëndëve narkotike të kapura në të gjithë vendin.
Para pak ditësh, Prokurori i Përgjithshëm akuzoi publikisht Policinë për mungesë transparence, në lidhje me asgjësimin e sasive të drogës që kapen rast pas rasti.
