Ministri në detyrë për Evropën dhe Punët e Jashtme, Gent Cakaj, gjatë vizitës së tij zyrtare në Shkup zhvilloi disa takime me krerët e partive shqiptare në Maqedoninë e Veriut.
Cakaj pati takime me kryetarin e Aleancës për Shqiptarët, Ziadin Sela, kryetarin e Lëvizjes “BESA”, Bilal Kasami, kryetarin e Partisë Demokratike Shqiptare, Menduh Thaçi, si dhe Kryetarin e Alternativës, Afrim Gashi.
Për Cakajn, kontributi i faktorit shqiptar në Maqedoninë e Veriut është i patjetërsueshëm.
Gjatë bisedimeve, u vlerësua roli i pazëvendësueshëm në zhvillimin e demokracisë së brendshme dhe të ardhmen e Maqedonisë së Veriut drejt integrimit në BE.
Postimi i Cakajt në Facebok
Gjatë qendrimit zyrtar në Shkup, zhvillova edhe disa takime të shkëlqyera me krerët e partive shqiptare në Maqedoninë e Veriut!
Së bashku me kryetarin e Aleancës për Shqiptarët, z. Ziadin Sela, Kryetarin e Lëvizjes BESA, z. Bilal Kasami, kryetarin e Partisë Demokratike Shqiptare, z. Menduh Thaçi, si dhe Kryetarin e Alternativës, z. Afrim Gashi, vlerësuam rolin e pazëvendësueshëm në zhvillimin e demokracisë së brendshme, procesin e anëtarësimit në NATO dhe rrugëtimin e Maqedonisë së Veriut drejt Bashkimit Evropian.
Përtej dallimeve politike, kontributi i faktorit shqiptar në Maqedoninë e Veriut në mbrojtjen e interesave kombëtare, zhvillimin e përgjithshëm institucional dhe ruajtjen e drejtimit euroatlantik të vendit, mbetet i patjetërsueshëm.
https://www.facebook.com/cakajgent/posts/2724579961144961
