Cafu zbulon përforcimin e parë të Real Madridit (Video)

Real Madrid ka një ekip të jashtëzakonshëm që ka sunduar Europën në vitet e fundit, por duket se nuk do të ndalen. Përforcimi i parë i madrilenëve për këtë sezon duket se do të fillojë nga portë. Alisson Becker ka qenë një nga portierët më të mirë në botë, sa i përket sezonit që lamë pas, duke ndihmuar Romën të mbërrijë deri në fazën gjysmëfinale të Champions Leagues.Në kombëtaren e Brazilit ai ka fituar vendin e titullarit dhe do të jetë ai gardiani i “selecao” në Botërorin e Rusisë. Interesi për Alisson është i madh, por duket se ai do të përfundojë në rrjetën e Real Madrid dhe këtë e ka zbuluar legjenda e Btazilit. Ish mbrojtësi Cafu ka zbuluar se Alisson do të transferohet te Reali, duke e quajtur tashmë një transferim të kryer.Deklarata e mbrojtësit brazilian ka ardhur në një video të bërë për një Fan Club madrilen, në Arabinë Saudite, por ajo vihet re, është bindja e Cafu për mbylljen e këtij transferimi. Kujtojmë që Cafu është një njeri shumë pranë kombëtares braziliane, por edhe pranë Romës, ku ka luajtur për disa sezone, ndërsa besohet se gëzon raporte mjaft të mira me Alisson.