Pak çaste më parë ka përfunduar mbledhja e Byrosë së Kuvendit, ku dhe janë marrë masat disiplinore për disa nga deputetët e opozitës.
Vasilika Hysi është shprehur për mediat se janë përjashtuar me 10 ditë nga punimet e Kuvendit deputetët Flamur Noka dhe Gent Strazimiri, ndërkohë që janë ‘falur’ Sali Berisha e Lulzim Basha.
Për kryedemokratin Basha, dhe ish-kryeministrin Berisha, Byroja është mjaftuar vetëm me tërheqjen e vëmendjes. Ajo ka thënë më tej se për ish-kryeministrin Berisha dhe për kreun e PD-së Basha, u është lënë porosi që në sesionin e ri parlamentar, ti japin fund gjuhën së urrejtjes.
“Byroja e Kuvendit ka përjashtuar Gent Strazimirin dhe Flamur Nokën me 10 ditë nga seancat plenare.
Lulzim Bashës dhe Sali Berishës u është tërhequr vëmendja, dhe u është lënë ‘porosi’ që në sesionin e ri t’ i japin fund gjuhës së urrejtjes.
Për Berishën u mor masë e tillë, duke marrë parasysh moshën e tij. Këngë të tilla patriotike nuk mund të këndohen”, tha Hysi.
