Bashkëkryetari i komisionit të reformës zgjedhore Oerd Bylykbashi tha se konsensusi për reformën zgjedhore është jetik për suksesin e saj.
Në takimin e përbashkët me eurodeputetet, Bylykbashi vuri në dukje se shitblerja e votës është problemi kryesor për Shqipërinë.
“Raporti i OSBE / ODIHR e përmend 13 herë fenomenin e blerjes së votave ne 2017-ën. Gjithashtu, një studim i financuar nga BE zbuloi se 20% e të anketuarve shqiptarë iu ofruan para dhe mallra në këmbim të votës”.
Bylykbashi tha se burimi kryesor për blerjen e votave janë paratë që vijnë nga droga dhe korrupsioni qeveritar.
Bashkëkryetari i reformës zgjedhore theksoi se nëse ky problem nuk zgjidhet, rreziku është që reforma zgjedhore, edhe nëse do te këtë sukses, mund te mbetet ende ne letër.
Bylykbashi tha se parakusht i suksesit te kësaj reforme është konsensusi i sinqertë mes pakeve.
“Reforma zgjedhore nuk duhet t’i ngjaje reformës territoriale, pasojat e te cilës po bëhen gjithmonë e me të rënda për keqqeverisjen e qytetareve. Reforma zgjedhore nuk duhet t’i ngjaje kurrë as reformës ne drejtësi, ligjet e te cilës u miratuan në mënyrë te njëanshme dhe antikushtetues. Këto janë modeli si nuk duhet bërë reforma zgjedhore”- tha Bylykbashi.
Për të reflektuar këto arsye, Partia Demokratike ka propozuar disa ndryshime në pikën 8 të draft rekomandimeve, ku flitet për reformën zgjedhore.
“8. Këmbëngul në nevojën për një ndjekje të plotë të të gjitha rekomandimeve të OSBE/ODIHR dhe për reformën zgjedhore, duke përfshirë masat kundër blerjes së votave, të cilat duhet të zbatohen pa vonesë dhe në kohën e duhur përpara zgjedhjeve të ardhshme”.
